A economía interesa á sociedade en xeral debido a problemas tan importantes como o paro, a inflación, o desenvolvemento dos países, a emigración, o medio ambiente ou a globalización. As persoas, de forma individual, ven inmersas en cuestións, tais como subidas de prezos, posibilidade de pedir préstamos para financiar vivendas, procura dun posto de traballo adecuado, pago de impostos, etcétera, e desexan ter instrumentos para analizalos con propiedade.
Os medios de comunicación reflicten estes temas, dedicando boa parte dos seus espazos a tratalos, sen que ás veces os cidadáns comprendan de forma adecuada as análises e reflexións que se lles transmiten.