Poderiamos resumilas en tres apartados:

a) Actividades propiamente lectoras.

b) Actividades pedagóxicas relacionadas co currículo.

c) Actividades de difusión tanto das actividades realizadas dentro da escola como as que se realizan no exterior acercándoas ó alumnado e profesorado, proporcionando o maior nivel de información.

Para a realización de todas estas actividades é preciso que os alumnos aprendan a traballar con documentos tanto no espacio concreto da biblioteca escolar como na propia clase.

Actividades propostas

Educación Infantil:

Dase neste ciclo o primeiro contacto co libro. Deberán pois manipula-lo libro, tocalo, miralo, levalo a casa, traer libros da casa e sobre todo que lles lean moitos contos. Establécese así a relación entre o alumno e o libro.

Ademáis deben visita-la biblioteca, onde ven libros ordenados dunha maneira especial e onde unha vez manipulado-los libros, deben colocalos no seu sitio. Con esto intentase fomenta-lo respecto ó libro.

1º Ciclo de E. Primaria:

Neste ciclo iniciase o primeiro contacto coa biblioteca tanto para a utilización colectiva de libros e documentos como individual.

• Aprenderán a recoller información.
• Identificar, título, escritor, ilustrador, editorial, serie.
• Comprende-las relacións existentes entre o título e o tema; o debuxo da portada e o tema.
• Coñecer e respecta-los servicios e horarios da biblioteca, aprender a moverse e a saber estar na biblioteca.

2º Ciclo de E. Primaria:

Ademáis das actividades anteriores engadiremos:

• Compresión e utilización do abecedario do diccionario e o seu funcionamento.
• Importancia do indice e a súa utilización.
• Empezar a coñece-lo sistema de clasificación dos libros da biblioteca.
• Aprender a busca-lo material.
• Comenzar a utiliza-lo servicio de préstamo nos horarios previstos, e cubri-la ficha correspondente.
• Comenzar a utiliza-lo servicio de préstamo nos horarios previstos, e a cubri-la ficha. correspondente.

3º Ciclo de E. Primaria:

Ademais das actividades anteriores:

• Empezar a utilizar a C.D.U. e coñece-lo significado dos números.
• Aprender a recolle-la información, a busca-los documentos que precise para os seus traballos dunha forma autónoma.
• Coñece-la organización e funcionamento das enciclopedias.
• Saber suliñar, tomar datos e resumir.
• Redactar ou crear dossieres coa información recollida.

Actividades de animación lectora.

Serán o eixe principal de todo o proceso lector en tódalas idades.

Actividades complementarias.

Animación á lectura.- Ademáis das realizadas polo propio profesor/a, procurarase a visita dalgún autor, ou grupo de animación con motivo de datas sinaladas (Día do Libro, da Árbore, das Letras Galegas)

A lectura de ocio realizarase no horario establecido. O profesorado, dentro da súa programación de aula organizará actividades relacionadas coas distintas materias que imparte (sobre a auga, lúa, animais, ...)

---