CEIP Ramón de la Sagra

1. CONSIDERACIÓNS XERAIS

O equipo directivo, feita unha análise da actividade escolar no curso 2008-09, considera cumpridas as expectativas nos aspectos que se recollen na Programación Xeral. Procurouse asumir e corrixir sobre a marcha os pequenos obstáculos propios dun centro escolar, dun xeito positivo e con boa disposición na agarda de que non se volvan a repetir e, cara o vindeiro curso haxa unha sensible mellora co xa aprendido.

2. CONSECUCIÓN DOS OBXECTIVOS

Os obxectivos específicos de área e nivel, xunto coa súa consecución están reflectidos nas memorias correspondentes. Os obxectivos xerais que nos propuxemos e que se especifican a continuación, foron acadados segundo se explica:

• Proseguimos o Proxecto Implantación da lingua extranxeira no 2º ciclo da etapa de E I. Está recollido na memoria correspondente.

• Insistimos na mellora da convivencia, para o que se traballou baseándose no documento Educación para a Convivencia, do Departamento de Orientación e elaborando un R.R.I. que substituirá ao actual. Este novo R.R.I., elaborarase tendo en conta aqueles aspectos considerados máis urxentes de cara á adaptación ás novas necesidades reais desta comunidade educativa, polo tanto, atendendo a este criterio estase a decidir sobre que ou cales aspectos incidir no principio.

• Traballamos no Plano de Acción Titorial, para rematalo e levalo enteiramente á práctica.

• Séguese a utilizar o Xade, a súa utilización vaise estendendo entre o profesorado, e o obxectivo último é que todos os mestres (titores ou non), fagan uso del.

• Aproveitamos os recursos que as diversas institucións nos ofrecen para:

a)Formación do profesorado

Os membros do claustro realizaron diversos cursos de formación, de acordo coas necesidades para a súa docencia ou da organización do centro, algún deles no propio colexio.

Salientar que neste caso, xa se leva tres anos co grupo de traballo dedicado ao teatro, e que ten gran recoñecemento e aceptación, polo que se continuará en vindeiros cursos.

b) A organización das actividades complementarias, material didáctico, etc, que fagan maior o campo das experiencias e, por conseguinte, do proceso educativo algo máis atractivo, participativo e efectivo.

Coordinado polo equipo de actividades complementarias ou efectuado polos equipos de ciclo –segundo se recollen nas memorias correspondentes- houbo neste senso unha ampla participación do profesorado, con resultados moi positivos.

Foron numerosas as visitas escolares, concertos, excursións... unhas veces organizadas totalmente polo centro e outras aproveitando o que nos ofreceron as diversas institucións. Delas dase cumprida conta na memoria de actividades complementarias e extraescolares.

c)Facilitar o desenvolvemento de actividades extraescolares de calidade e con garantías que fagan doada, ó mesmo tempo, a organización familiar do alumnado.

As actividades extraescolares estiveron integradas, como ven sendo nos últimos anos, no programa LUDITARDE. Houbo continuo contacto entre o equipo do programa e Colexio, con xuntanzas periódicas do coordinador do programa na cidade, o coordinador do equipo no centro, a presidenta da A.P.A., o director e, sempre que foi posible o resto dos membros do equipo directivo. Isto contribuíu á boa marcha das actividades. O noso Colexio é o que máis alumnado ten neste programa. Nembargantes, no apartado de conclusións e plan de mellora, analizaremos este punto.

3. ÓRGANOS DE GOBERNO

3.1. EQUIPO DIRECTIVO

Reuniuse diariamente ó longo do curso para tratar diversos aspectos relacionados co funcionamento do centro.

3.2. CONSELLO ESCOLAR

Houbo as xuntanzas prescriptivas no curso, segundo se recolle nas actas correspondentes.

3.3. CLAUSTRO DE PROFESORES

Reuníuse 3 veces ó longo do curso, segundo se recolle nas actas correspondentes.

4. ORGANIZACIÓN PEDAGÓXICA

1. EQUIPOS DE CICLO

Fixéronse as xuntanzas necesarias para programar e coordinar o traballo, elaborar e compartir materiais didácticos e consensuar e unificar criterios.

Os seus membros están consignados na Programación Xeral Anual

2. COMISIÓN DE COORDINACIÓN PEDAGÓXICA

Reuniuse varias veces no curso, segundo se recolle nas actas.

O bo funcionamento de Departamento de Orientación fixo o seu labor moito máis doado e supliu provisionalmente as súas funcións.

Tentouse este ano, que aparte das funcións propias deste órgano colexiado, constituíse un medio de transmisión de información eficaz segundo a súa estructura, cara o resto do profesorado. Non se entendeu moito esta idea, convén matizar de cara o vindeiro curso a súa utilidade de funcionamento neste aspecto.

4.3. DEPARTAMENTO DE ORIENTACIÓN

Reuniuse semanalmente, o que fixo máis fluída a coordinación interciclos.

Os seus logros están recollidos na memoria correspondente.

4.4.RECURSOS HUMANOS

Tendo en conta as necesidades de atención específica de unha parte non pequena do alumnado, o profesorado que trata de axudar a estes nenos e nenas esforzouse en darlles a mellor atención.

O Departamento de Orientación, coa súa xefa, Manuela Castelos Paredes á fronte, deu canle para que cada quen tivese o mellor apoio posible. Facilitou este labor a coordinación e continuo contacto da xefa coas dúas profesoras de PT e a profesora de AL así como co profesorado en xeral –especialmente cos titores.

Como persoal no pertencente ó claustro do centro tivemos:

Para axudar ó alumnado con problemas de retraso escolar debido ás condicións familiares, poidemos dispor dunha profesora de Educación Compensatoria. O seu horario foi este ano de media xornada, o que impedíu, como así o matiza na súa memoria, acadar o obxectivo máximo de atender plenamente ás necesidades do seu alumnado. ,

Para traballar cos nenos xordos integrados no noso colexio, dispuxemos dunha profesora que pertence ó Colexio Nosa Señora do Rosario. Pola súa aula, pasaban cada día os alumnos para unha atención individualizada.

4.5. EQUIPO DE NORMALIZACIÓN LINGÜÍSTICA

Realizou as actividades recollidas na Programación Xeral. A súa influencia foi positiva na mellora da Lingua en todo o traballo escolar e na normal utilización do galego como lingua vehicular. O seu labor recóllese máis adiante, na memoria correspondente.

4.5. OUTROS EQUIPOS

Contribuíron na a organización do traballo e dinamización do centro nos diversos equipos, uns cando o requería a situación e outros fixos: Mediateca e Actividades extraescolares e complementarias.

5 .RELACIÓN FAMILIA-ESCOLA

As relacións coas familias do alumnado realizáronse básicamente por medio de reunións colectivas, entrevistas persoais, cartas circulares e contacto directo nas numerosas colaboracións para levar adiante diversas actividades.

Tamén houbo momentos de convivencia lúdica –festas, excursións- no que participou alumnado, profesorado e familiares.

Como orientación básica para as familias, elaborouse un tríptico de principio do curso que recolle unha información xeral sobre a organización do Colexio. Esta información tamén estivo á disposición na páxina web.

6. CONCLUSIÓNS – ASPECTOS DE MELLORA.

* Gardas e transporte escolar:

Neste aspecto, segundo ás lagoas da lei vixente neste senso, feito claustro para tal efecto, e dada a responsabilidade última do centro, se ben agárdase a que xurda algunha instrucción sobre este tema, o vindeiro ano estudiarase e tomaranse as medidas oportunas para que isto sexa unha realidade que garante á seguridade e coidado dos nenos usuarios do transporte escolar máis efectivas.

• TICs:

• Acádase como se recolle na programación un uso educativo real das TICs, preténdese de cara o vindeiro curso, reestructurar y dotar ás aulas de alomenos un ordenador, con conexión a internet. Lémbrase que este ano instalouse o wifi.

• Mantemento das instalacións do centro:

• Tómase medidas para cambiar a caldeira: aprobado dito cambio pola Xunta.

• Denúnciase ante tódalas institucións educativas, o estado do cadro e instalación eléctrica. Segundo as enquisas, correspóndelle ao concello esta función e este non a asume. O último paso, foi que a Inspección Técnica de Industria da Xunta de Galicia, fixo un informe solicitado por nós, para os posteriores pasos e medidas a tomar.

• Seguimos tendo un grave problema de espazos no centro, co que séguese a deseñar e establecer os contactos precisos para mellorar este tema.

• En canto á seguridade, o noso proxecto de evacuación en caso de emerxencia, dependendo da causa que o provoque non é viable, posto que só existe unha única escaleira, que ademais está por riba da caldeira, e dado o estado da instalación eléctrica, en caso de incendio, constituiría unha auténtica cheminea dita escaleira de acceso. Cómpre facer e deseñar outra saída cara o exterior, que se está a debater.

• Por outra banda, convén que todo o profesorado, titores e especialistas, se fagan cada vez máis competentes no uso do Xade, ben para poñer as notas como para facer outra xestión que poidan facer eles sen necesidade de acudir a Secretaría.

• Con respecto ao programa de Luditarde, e concretamente ao seu uso compartido do material existente no centro, acórdase unha vez que detéctase un incorrecto uso do mesmo, que como medida provisional de cara o vindeiro curso, os materiais que se empreguen deberán ser os propios de cada actividade (ou sexa, os materiais que vaian a utilizar nas actividades de Luditarde, serán aportados polo propio programa, sen utilizar os materiais existentes no centro). Para iso, habilitarase un espazo onde poidan gardar o seu material, coa fin de que non se produzan feitos como o de aparecer deteriorado o material do centro ou ben descolocado dun día para outro. Non se cuestionan nin os obxectivos nin a finalidade do programa de Luditarde, pero si a necesaria dilixencia no uso axeitado do material do centro, motivo polo que se toma esta medida.