- Para facilitar as entradas e saídas do alumnado, prégase aos adultos acompañantes que non se sitúen diante das portas do porche, deixando esta zona libre para que os nenos/as podan formar as filas convenientemente. Á hora da saída, esperarán ao alumnado de Educación Infantil e 1º Ciclo na parte cuberta de dito porche.

- A fin de evitar conflictos innecesarios prégase puntualidade nas entradas e saídas, tendo en conta que a puntualidade consiste en chegar co tempo xusto, nin antes nin despois. As portas do colexio ábrense ás 9 horas e permítese a entrada ata as 9:10, despois desa hora deberá xustificarse debidamente o retraso.

- No horario lectivo diario de 9.00 a 14.00 horas, para non interrompi-las clases, prohíbese o acceso das nais e pais ás aulas e as plantas superiores. Se é necesaria unha entrevista urxente co profesorado, deberase solicitar a correspondente autorización a través do Equipo Directivo do Centro, que arbitrará as medidas oportunas.

- Estas normas tamén serán de aplicación para o alumnado de tres anos, unha vez finalizado o periodo de adaptación (mes de setembro).

- Como medida de seguridade, co fin de evitar posibles accidentes, rógase aos pais/nais que non entren co seu vehículo particular no aparcamento e aqueles que accedan andando deben utilizar as portas pequenas no patio, nunca o portalón dos coches.

- Se algún alumno/a precisa saír do centro en horario lectivo deberá facelo sempre acompañado dun adulto que se identificará e responsabilizará del.

Polo risco de que persoas estrañas poidan dar ao alumnado produtos non desexados durante os recreos, tales como alimentos perigosos, larpeiradas e outros, ou se dirixan ao alumnado de forma non correcta, e ante a imposibilidade de coñecer a tódolos parentes relacionados cos nenos/as, rogámoslles que non promovan o seu acercamento ó cerre do patio (algo que o alumnado non ten permitido). En caso de que sexa necesario entregarlles algo ou darlles un recado urxente, deberán pedir permiso ó profesorado de garda que facilitaré a entrega persoal dentro do recinto escolar.